Blátt áfram - Viðburðardagatal

Fyrirlestur fyrir kennara

Fyrirlesturinn er ætlaður öllum sem vinna með börnum og unglingum. Einnig fyrir foreldra og aðra sem bera ábyrgð á börnum. Við ræðum um forvarnarverkefnið Blátt áfram og hvernig hægt er að fyrirbyggja kynferðislegt ofbeldi á börnum. Svarað verður spurningum eins og hver eru merkin? Hvert á að leita hjálpar? Af hverju börnin segja ekki frá? Hvernig og af hverju á ég að tala um þetta við börnin?

Fyrirlesari: Sigríður Björnsdóttir

Námskeiðið Verndarar barna boðar byltingu í fræðslu, forvörnum og viðbrögðum við kynferðislegri misnotkun á börnum. Markmiðið er að veita fullorðnu fólki öfluga fræðslu og markvissa þjálfun í að fyrirbyggja, þekkja og bregðast við kynferðislegri misnotkun barna af hugrekki og ábyrgð. Námsefnið Verndarar barna er sérhannað fyrir stofnanir, fyrirtæki og félagasamtök sem þjóna börnum og unglingum – sem og einstaklinga sem bera ábyrgð á umönnun og verndun barna; sínum eigin eða annarra. Efnið byggist á 7 skrefa bæklingnum til verndar börnunum okkar. Innifalið í verði er verkefnabók og stefnumótunarupplýsingar fyrir félagasamtök, stofnanir og fyrirtæki sem vinna með börnum.

Námsefnið er íslensku og fræðslumyndbandið er á ensku en með íslenskum texta.

Námskeiðskostnaður kr. 5.000, innifalið er vinnubók og kaffiveitingar.

Endilega skráið ykkur með því að senda tölvupóst á blattafram@blattafram.is eða í síma 893-2929

Leiðbeinandi: Sigríður Björnsdóttir